Almatyda taǵy bir zańsyz kommertsııalyq nysan buzyldy

ALMATY. KAZINFORM – Almatyda keshe, 2 qazanda Maqataev kóshesi, 4a mekenjaıynda ornalasqan Taiyaki coffee dámhanasy buzyldy.

Bul týraly Almatynyń qala qurylysyn baqylaý basqarmasy habarlady.

Vedomstvonyń málimetinshe, buǵan deıin júrgizilgen jospardan tys tekseris barysynda atalǵan nysan jeke tulǵanyń ıeliginde ekeni anyqtalǵan. Ol jobalyq-smetalyq qujattamasyz, avtorlyq jáne tehnıkalyq qadaǵalaýsyz salynyp, paıdalanýǵa qabyldaý aktisinsiz jumys istep kelgen.

– Nysan ıesine qatysty ákimshilik shara qoldanylyp, ǵımaratty buzý jóninde nusqama berilgen. 29 qyrkúıek kúni ıesi basqarmanyń nusqamasyn oryndaý aıasynda zańsyz qurylysty tolyqtaı buzdy, - dep habarlady Almatynyń qala qurylysyn baqylaý basqarmasy.

Eske salaıyq, buǵan deıin sot sheshimimen qala aýmaǵyndaǵy 33 zańsyz salynǵan nysan tolyq nemese jartylaı buzylǵanyn jazǵanbyz.

Sonymen qatar basqarmanyń talap-aryzy boıynsha taǵy 64 nysandy buzý qajet. Olarǵa qatysty sot sheshimderi qazir qalalyq Ádilet departamentinde oryndalý satysynda tur.