Almatyda taǵy bir zańsyz dúken buzyldy
ALMATY. KAZINFORM – Dıvaev kóshesi, 21/1 mekenjaıynda ornalasqan dúken buzyldy. Bul týraly Almaty qala qurylysyn baqylaý basqarmasy ókilderi habarlady.
Vedomstvonyń málimetinshe, jospardan tys tekserý barysynda nysannyń menshik ıesi tarapynan jobalyq-smetalyq qujattamasyz, saraptama qorytyndysynsyz, sondaı-aq avtorlyq jáne tehnıkalyq qadaǵalaýsyz salynǵany anyqtaldy.
– Atalǵan zańbuzýshylyqtarǵa baılanysty menshik ıesine qatysty ákimshilik sharalar qabyldanyp, anyqtalǵan kemshilikterdi joıý týraly nusqama berildi, - delingen habarlamada.
Nusqama talaptaryn oryndaý maqsatynda qazirgi ýaqytta zańsyz salynǵan nysan menshik ıesiniń kúshimen tolyqtaı buzyldy.
Eske salaıyq, buǵan deıin Almatydaǵy Qajymuqan kóshesi, 34 mekenjaıynda ornalasqan azyq-túlik dúkenine qosymsha salynǵan nysan buzylǵanyn habarlaǵanbyz.
Al onyń aldynda Seıfýllın dańǵyly, 518 mekenjaıynda ornalasqan shaǵyn market tolyqtaı súrilgen edi.
