Almatyda taǵy bir kóshe ýaqytsha ishinara jabylady
ALMATY. KAZINFORM – Almatyda Manas kóshesiniń bir ýchaskesine ortasha jóndeý júrgizýge baılanysty kólik qozǵalysyna ýaqytsha shekteý engiziledi.
27 shilde saǵat 23:00-den 29 shilde tańǵy saǵat 07:00-ge deıin Abaı dańǵylynań Jambyl kóshesine deıingi ýchaskede qozǵalys jabylady.
«Ýaqytsha shekteýler mundaǵy kólik júretin joldyń astyndaǵy magıstraldyq jylý júıelerin josparly jóndeýge baılanysty engizilip jatyr», - dep habarlady «Almaty jylý jelileri» JShS-nen.
Jóndeletin ýchaskede eskertý belgileri, merdiger uıym basshysynyń baılanys aqparaty jazylǵan stendter qoıylady.
Kompanııa keltirilgen qolaısyzdyq úshin almatylyqtardan keshirim suraıdy. Sonymen qatar júrgizýshilerge jol júrý baǵytyn aldyn ala josparlaýǵa keńes beredi.
