Almatyda taǵy bir kóshe qyrkúıekke deıin jabylady
ALMATY. KAZINFORM — Almatyda Áshimov kóshesiniń bir bóliginde avtokólik qozǵalysyna ýaqytsha shekteý engiziledi.
Almaty ákimdigi málimetinshe, Tóle bı kóshesin qala shekarasyna deıin uzartý jumystary aıasynda Áshimov kóshesiniń Qulybekov kóshesinen Mashan kóshesine deıingi jol bóligi jabylady. Shekteý 26 tamyz ben 1 qyrkúıek aralyǵynda kún saıyn saǵat 00:00–den 05:00–ge deıin engiziledi.
— Jumys túngi ýaqytta júrgiziledi. Kúndiz jol kólik qozǵalysy úshin ashyq bolady. Jol júrý baǵytyn aldyn ala josparlaýdy suraımyz, — dep habarlady ákimdikten.
Odan bólek LRT qurylysyna baılanysty Tóle bı kóshesiniń Baıtursynov kóshesinen Masanchı kóshesine deıingi aralyǵy 25 tamyz saǵat 23:00–den 26 tamyz 6:00–ge deıin jabylady.
Eske salaıyq, buǵan deıin ortasha jóndeý jumystaryna baılanysty 1 qyrkúıekke deıin Abaı dańǵylyynń Saın kóshesinen Momyshuly kóshesine deıingi aralyǵynda kólik qozǵalysy ishinara shekteletinin jazǵanbyz.
