Almatyda taǵy bir kóshe bir aıǵa jabyldy
ALMATY. KAZINFORM — Almatyda Tóle bı kóshesin qala shekarasyna deıin uzartý jobasy aıasynda Jýaly kóshesiniń bir bóliginde avtokólik qozǵalysyna ýaqytsha shekteý engiziledi.
Qala ákimdigi baspasóz qyzmetiniń málimetine qaraǵanda, ınjenerlik jelilerdi qaıta ornalastyrý jumystarynyń júrgizilýine baılanysty 29 maýsym kúni saǵat 08:00–den 29 shilde kúni saǵat 08:00–ge deıin Jýaly kóshesiniń Tóle bı kóshesinen Raıymbek batyr dańǵylyna deıingi bóliginde qozǵalys shekteledi.
Báıken Áshimov, Jumanııazov kósheleri arqyly aınalyp ótip, ári qaraı Tóle bı kóshesine shyǵady.
— Jóndeý jumystary júrgiziletin aýmaqta eskertý belgileri men merdiger uıymnyń jaýapty basshysynyń baılanys aqparaty kórsetilgen aqparattyq taqtalar ornatylady. Osyǵan baılanysty turǵyndar men júrgizýshilerden qozǵalys baǵytyn aldyn ala josparlaýdy suraımyz, — delingen habarlamada.
Eske salaıyq, buǵan deıin Almatyda Jumabaev kóshesiniń bóligi bir aıǵa jabylǵanyn habarlaǵan edik.
