Almatyda taǵy bir kóshe 10 kúnge jabylady

ALMATY. KAZINFORM – 20 qyrkúıek kúni saǵat 06:00 bastap 30 qyrkúıektiń saǵat 06:00 deıin Almaty qalasynyń Bostandyq aýdanynda avtokólikterdiń qozǵalysy Jýravlev kóshesiniń boıymen Serkebaev dańǵylynan bastap Sechenov kóshesine deıin shekteledi. 

Qozǵalys eki jaqqa qaraı jabylady. Ýaqytsha shekteýler 1980 jyldan beri paıdalanylyp kele jatqan 673 metr qubyrjoldy jańǵyrtý ýchaskesinde josparly jumystardyń qaýipsizdigin qamtamasyz etý úshin engiziledi. 

– Ýaqytsha qolaısyzdyqtar úshin keshirim ótinemiz jáne olarǵa túsinistikpen qaraýdy suraımyz, - dep habarlady «Almaty jylý júıesi» JShS. 

Eske salaıyq, Almaty qalasyndaǵy Abaı dańǵylynyń bir bóligi 10 kúnge jabylǵan bolatyn. 

Sondaı-aq Almatynyń keıbir kósheleri qazan aıynyń basyna deıin jabyldy.