Almatyda taǵy bir Innovatsııalyq shyǵarmashylyq ortalyǵy ashylady
ALMATY. KAZINFORM – Jetisý aýdanynda jastarǵa arnalǵan Innovatsııalyq shyǵarmashylyq ortalyǵy salynady.
Jetisý aýdanynyń ákimi Lázzat Jylqybaeva aýdan aýmaǵyndaǵy alǵashqy ınnovatsııalyq shyǵarmashylyq ortalyǵynyń qurylysy jaqyn ýaqytta bastalatynyn aıtty. Ákim sózinshe, «Aınabulaq-2» shaǵyn aýdanynda salynatyn jańa ortalyq jasóspirimder men jastardyń kreatıvti ári tehnologııalyq daǵdylaryn damytýǵa arnalǵan alańǵa aınalady. Ortalyq qurylysy 2026 jyldyń sońynda aıaqtalady dep josparlanǵan.
– Ortalyq balalar men jasóspirimderdiń shyǵarmashylyq áleýetin damytýǵa baǵyttalady. Sonymen qatar jastardyń ónerden bastap tehnologııaǵa deıingi túrli saladaǵy ıdeıalaryn júzege asyrýyna arnalǵan keńistik bolady. Bul tek bilim berý ortalyǵy emes, sonymen qatar mádenı alań bolady dep oılaımyz, - dep atap ótti Lázzat Jylqybaeva.
Ortalyq turǵyndardyń ótinishi boıynsha tańdalǵan 2 gektar jerde ornalasady. Aýmaq qazir memlekettik qordyń qaramaǵynda. Joba memlekettik saraptamadan ótkennen keıin qurylys jumystary 2025 jyldyń 4-toqsanynda bastalady.
Eske salaıyq, buǵan deıin Ekibastuzda balalardyń zamanaýı shyǵarmashylyq ortalyǵy ashyldy.