Almatyda taǵy bir esirtki zerthanasy joı̆yldy

ALMATY. KAZINFORM – Respýblıkalyq «Qarasora» is-sharasy aıasynda Almatynyń UQqKB qyzmetkerleri esirtki zerthanasyn joı̆dy.

Polıtsııa departamentiniń málimetine sáıkes, Naýryzbaı̆ aýdanyndaǵy jeke úı̆lerdiń birinde sıntetıkalyq esirtki jasalǵan. Tintý kezinde turǵyn úı̆diń jertólesinde qabattary bar shyny ydystar, prekýrsorlar, hımııalyq zattar men sıntez qaldyqtary salynǵan kanıstrler, tarazylar, aralastyrǵysh, sıntez kamerasy, qoıý-sary tústi suı̆yqtyq salynǵan ydystar, tynys alý organdaryna arnalǵan maskalar, hımııalyq jumystarǵa arnalǵan kombınezon jáne basqa da jabdyqtar anyqtalyp, tárkilengen.

Esirtki jasaǵan kúdiktige taǵy eki adam kómektesken. Olar qalanyń basqa aımaqtarynda ustaldy.

- Sot-hımııalyq saraptamasynyń qorytyndysyna sáı̆kes, tárkilengen zattar sıntetıkalyq psıhotroptyq zat «mefedron» ekendigi belgili boldy, prekýrsordyń jalpy salmaǵy 7 keliden asty. Atalǵan derek boı̆ynsha Naýryzbaı̆ aýdandyq PB-da sotqa deı̆ingi tergeý amaldary júrgizilip jatyr. Kúdiktiler qamaýǵa alyndy, - dep habarlaıdy qalalyq PD.

Aıta keteıik, Qazaqstan QR QK-niń 201 babyna sáı̆kes ózge aqparat tergeý múddesine oraı̆ jarııa etilmeı̆di. QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı̆ kez kelgen azamat sot sheshimi zańdy kúshine engenge deı̆in kinásiz dep sanalady.

Eske salaıyq, bıyl Almatyda 158 keli esirtki tárkilenip, 5 zerthana joıylǵany habarlanǵan bolatyn.