Almatyda taǵy bir avtobýs apatqa ushyrap, eki adam qaza tapty

ALMATY. KAZINFORM – Almatyda avtobýs pen jeńil kólik soǵyldy. Saldarynan eki adam qaza tapty.

Polıtsııa málimetinshe, jol apaty túnde Almatynyń Medeý aýdanynda boldy.

«Toıota» markaly avtokóliktiń júrgizýshisi Talǵar tas jolymen batys baǵytta kele jatyp, qarama-qarsy baǵytqa shyǵyp ketip, jeke tasymaldaýshyǵa tıesili avtobýspen soqtyǵysqan. Jol apaty saldarynan «Toıota» kóligindegi eki jolaýshy qaza tapty», - dep habarlady vedomstvodan.

Eki adamnyń ólimine ákelgen jol apaty boıynsha qylmystyq is qozǵalyp, tıisti saraptamalar taǵaıyndaldy.

Osyǵan deıin Almatyda Áshimov jáne Shalıapın kósheleriniń qıylysynda qoǵamdyq kóliktiń qatysýymen jol-kólik oqıǵasy tirkelgen bolatyn.