Almatyda taǵy 166 eski avtobýs aýktsıonǵa shyǵaryldy
ALMATY. KAZINFORM — «Almatyelektrotrans» mekemesi isten shyqqan 166 avtobýsty satylymǵa shyǵardy.
Elektrondyq saýda saıtynda jarııalanǵan aqparatqa sáıkes, avtobýstar 2008 jyly alynǵan. Olar qazir Almaty oblysy Eńbekshiqazaq aýdany Qaınazar aýylynda ornalasqan. Lottyń bastapqy baǵasy — 37 666 225 teńge. Ótinimder 2025 jyldyń 2 qyrkúıeginde qabyldana bastaıdy.
Eske salaıyq, buǵan deıin Almaty ákimdigi 573 eski avtobýsty 160 mıllıon teńgege satty. Esepten shyǵarylǵan bul avtobýstar da Almaty oblysy, Qaınazar aýylynda, «Darhan» JShS aýmaǵynda saqtalyp turǵan.
Bul avtobýstar 2025 jyldyń 2 mamyrynda satylymǵa shyǵarylǵan, alaıda aýktsıon ótpedi. Odan keıin Almaty ákimdigi eski avtobýstardy qaıta satylymǵa shyǵardy.
Buǵan deıin Almaty ákimdigi eski avtobýstardyń turaǵyna 196 mln teńge jumsaıtynyn jazǵanbyz.