Almatyda taǵy 16 shetel azamaty el aýmaǵynan shyǵaryldy
ALMATY. KAZINFORM – Almatynyń Bostandyq aýdanynda kóshi-qon zańnamasyn buzǵan 135 adam ákimshilik jaýapkershilikke tartyldy.
Almaty polıtsııasynyń málimetinshe, 16 shetel azamaty Qazaqstan Respýblıkasynyń aýmaǵynan shyǵaryldy. Al 27 adam jeke basyn anyqtaý úshin qabyldaý-taratý ornyna jetkizildi, 23 qabyldaýshy tulǵa jaýapkershilikke tartyldy.
Kóshi-qon polıtsııasynyń qyzmetkerleri jeke basyn kýálandyratyn qujattary joq kúıde SPA-salondardyń birinde jáne qurylys nysanynda bolǵan azamattardy anyqtady. Olardyń bári jeke basyn anyqtaý úshin qabyldaý-taratý ornyna ornalastyryldy.
Almaty polıtsııa departamenti kóshi-qon qyzmeti basqarmasynyń bastyǵy Erkin Amantaevtyń aıtýynsha, negizgi mindet – shetel azamattarynyń zańsyz bolýyna baılanysty týyndaýy múmkin qaýipterdiń aldyn alý.
– Biz azamattardyń el aýmaǵynda bolý zańdylyǵyn, tirkeý talaptarynyń saqtalýyn jáne qabyldaýshy taraptardyń jaýapkershiligin tekserý arqyly qaladaǵy tártip pen qaýipsizdikti qamtamasyz etýdi kózdeımiz, – dedi ol.
Eske salaıyq, buǵan deıin Almatyda kóshi-qon tártibin buzǵan 21 shetel azamaty elden shyǵarylǵanyn jazǵanbyz.