Almatyda sút bezi obyryna qarsy preparattar óndiriledi
ALMATY. KAZINFORM — Halyqaralyq Roche jáne Nobel kompanııalarymen birlesip Almaty farmatsevtıkalyq fabrıkasynyń bazasynda sút bezi obyryna qarsy dárilik preparattar óndirisin oqshaýlaý jónindegi joba iske qosyldy. Bul týraly QR Densaýlyq saqtaý mınıstrliginiń baspasóz qyzmeti málim etti.
«Almatyda Densaýlyq saqtaý mınıstriniń qatysýymen kásiporynnyń ashylý saltanatynda asa mańyzdy onkologııalyq preparattar óndirisin oqshaýlaý qazaqstandyq patsıentterdiń obyrdan emdeýdiń ınnovatsııalyq ádisterine qoljetimdiligin jaqsartyp, ómir súrý uzaqtyǵyn arttyrýǵa múmkindik beretini atap ótildi», — delingen habarlamada.
Memleket basshysy otandyq dárilik zattar men medıtsınalyq buıymdar óndirisiniń úlesin farmatsevtıkalyq naryqtyń jalpy kóleminiń 50%-na deıin ulǵaıtý mindetin qoıdy.
QR-nyń 2029 jylǵa deıingi ulttyq damý josparyn iske asyrý sheńberinde jahandyq farmkorporatsııalarmen yntymaqtastyqty keńeıtý, ınvestıtsııalar tartý, óndiristi oqshaýlaýǵa tehnologııalar transferti jáne jańa ázirlemeler tartý jónindegi sharalar kózdeledi, bul ımporttyq preparattarǵa táýeldilikti qysqartýǵa, olardyń qunyn tómendetýge jáne olardy patsıentter úshin barynsha qoljetimdi etýge múmkindik beredi.
