Almatyda sýpermarket aldyndaǵy aýqymdy qosalqy nysan buzyldy
ALMATY. KAZINFORM — Almatyda sýpermarketke zańsyz salynǵan qosymsha qurylys sot sheshimimen buzyldy.
Qala qurylysyn baqylaý basqarmasynyń málimetinshe, Seıfýllın dańǵyly, 510A mekenjaıyndaǵy «Spar» sýpermarketine japsarlas salynǵan nysan tolyqtaı súrildi.
Buǵan deıin jospardan tys tekserý barysynda basqarma «KBE grýpp» JShS-ne qurylysqa qajetti ruqsat qujattarynyń bolmaýyna baılanysty ákimshilik sharalar qoldanyp, anyqtalǵan zań buzýshylyqtardy joıý týraly nusqama bergen. Tekserý nátıjesinde nusqamanyń oryndalmaǵanyna baılanysty tıisti materıaldar sotqa joldanǵan.
— Mamandandyrylǵan aýdanaralyq ekonomıkalyq sot basqarmanyń talap-aryzyn tolyq kólemde qanaǵattandyrdy. Nysandy buzý sot sheshimin oryndaý maqsatynda onyń ıesi tarapynan júzege asyryldy, — dep habarlady vedomstvodan.
Eske salaıyq, buǵan deıin Almatyda Qurmanǵazy kóshesi, 43 mekenjaıyndaǵy dámhananyń qosalqy bóligi tolyqtaı buzyldy.
