Almatyda sýyq sý men káriz qyzmetiniń tarıfteri tómendedi
ALMATY. KAZINFORM – Qazan aıynan bastap Almatydaǵy sýyq sýmen jabdyqtaý jáne sý burý qyzmetteriniń tólemderi jańa tarıfter boıynsha alynady.
Bul týraly «Almaty Sý» mekemesiniń ótim jónindegi departamentiniń dırektory Serik Shagırov aıtty. Onyń sózinshe, tarıfterdi tómendetý Tabıǵı monopolııalardy retteý komıtetiniń Almaty qalasy boıynsha departamentiniń talaptaryna sáıkes júzege asyrylyp jatyr.
2025 jyldyń qazan aıynan bastap turǵyndarǵa arnalǵan jańa tarıfter:
• Sýyq sýmen jabdyqtaý – 1 m³ úshin 73,92 teńge
• Káriz qyzmetteri – 1 m³ úshin 45,86 teńge
Jańa tarıfter 2025 jylǵy 31 jeltoqsanǵa deıin qoldanysta bolady. Alaıda 2026 jyldyń 1 qańtarynan bastap tutyný kólemine qaraı saralanǵan tarıfter júıesine qaıta oralý josparlanǵan.
Eske salaıyq, buǵan deıin Almatydaǵy ınjenerlik jeliler qysqa qanshalyqty daıyn ekenin jazǵanbyz.