Almatyda sýdyń laılanýynan shaǵyn aýdanda sý berý toqtaldy
ALMATY. KAZINFORM — Almatynyń «Qaraǵaıly» shaǵyn aýdanynda sý berý ýaqytsha shekteldi.
Naýryzbaı aýdany ákimdiginiń málimetinshe, búgin saǵat 16:50–degi jaǵdaı boıynsha «Qaraǵaıly» sý alý nysanyndaǵy sýdyń laılylyǵy óte joǵary bolyp tur, sýdyń móldirligi — 0 sm. Osyǵan baılanysty turǵyndarǵa aýyz sý berý ýaqytsha toqtatyldy.
— Qazirgi ýaqytta turǵyndardy taza aýyz sýmen qamtamasyz etý maqsatynda «Almaty Sý» mekemesi men Naýryzbaı aýdany ákimdigi tarapynan sý tasıtyn kólikter arqyly aýyz sý jetkizilip jatyr. Qalyptasqan jaǵdaıǵa túsinistikpen qaraýlaryńyzdy suraımyz. Ýaqytsha qolaısyzdyqtar úshin keshirim ótinemiz, — dep habarlady ákimdikten.
Eske salaıyq, keıingi kúnderi Almatyda sel qaýpi kúsheıdi. Osy oraıda, qalada jaýyn-shashyn men sý deńgeıi kóterilýiniń saldary qandaı ekenin jazǵanbyz.
Al Almaty oblysynyń Qarasaı aýdanynda jergilikti aýqymdaǵy tótenshe jaǵdaı jarııalandy.
Sondaı-aq Almaty oblysynda Aqsaı ózeni tasýynan sý jelisi zaqymdandy.
