20:38, 01 Mamyr 2024 | GMT +6
Almatyda sýburqaqtar maýsymy ashyldy
ALMATY. KAZINFORM - Almatyda Qazaqstan halqynyń birligi kúni sýburqaqtar iske qosyldy.Ońtústik astanada 60 fontan iske qosyldy.
Jalpy, megapolıste 130-ǵa jýyq fontan bar, onyń 66-i qala menshiginde.
Almaty ákimdiginiń málimetinshe, qazir alty sýburqaq jańartylyp jatyr.
«Odývanchık», «Aqqý», «Qyzǵaldaq» sýburqaqtary men Ortalyq memlekettik murajaıy, ál-Farabı atyndaǵy QazUÝ jáne Áýezov atyndaǵy Qazaq ulttyq akademııalyq drama teatry aldyndaǵy fontandarǵa jóndeý jumystary júrip jatyr»,- dep habarlady qalalyq ákimdikten.
Qaladaǵy barlyq fontandar 1 mamyrdan bastap tańǵy saǵat 8-den túngi 23: 00-ge deıin qosýly turady.
Árbir fontanda qaýipsizdikti saqtaý maqsatynda shomylýǵa bolmaıtyny týraly taqtaıshalar ornatylǵan.
