Almatyda sýburqaqtaǵy sý nelikten boıalyp jatyr — ákimdik jaýaby
ALMATY. KAZINFORM — Almatyda sýburqaqtaǵy sý boıalyp jatyr. Áleýmettik jeli qoldanýshysy osyndaı aqparatpen bólisti.
Jelide taraǵan beınejazbada jumys istemeı turǵan Atakenttegi sýburqaqtyń sýy boıalyp jatqany týraly aıtylǵan.
Bul derekke qatysty Bostandyq aýdanynyń ákimdigi túsinikteme berdi. Resmı jaýapqa sáıkes, qazir qaladaǵy sýburqaqtardy tıisti sanıtarlyq ári tehnıkalyq qalypqa keltirý boıynsha josparly jumystar júrgizilip jatyr.
— Osy jumystar aıasynda sýburqaq tabaqshalaryn tazartý, jabdyqtardy retke keltirý, sondaı-aq sýdyń gúldeýin boldyrmaý jáne sanıtarlyq qaýipsizdikti qamtamasyz etý úshin arnaıy reagenttermen óńdeý sharalary atqarylyp jatyr, — delingen jaýapta.
Sonymen qatar aýdan ákimdigi qoldanylatyn zattar, sonyń ishinde mys negizindegi qospalar ruqsat etilgen mólsherde paıdalanylatynyn jáne belgilengen normalarǵa tolyq sáıkes keletinin atap ótti.
— Barlyq jumystar qoldanystaǵy talaptarǵa saı shtattyq rejımde júrgizilip jatyr jáne beıindi qyzmetterdiń baqylaýynda, — dep túsindirdi Bostandyq aýdanynyń ákimdigi.
Eske salaıyq, byltyr Almatyda qýraǵan shóp jasyl túske boıalǵan bolatyn.
