Almatyda sý qubyrynda bolǵan apat saldarynan birneshe úı sýsyz qaldy

ALMATY. KAZINFORM – Almatynyń Naýryzbaı aýdanynda jerasty sý qubyry jarylyp, 40-tan astam turǵyn úı men jedel járdem stantsııasy sýyq sýsyz qaldy.

Alataý dańǵylyndaǵy dıametri 350 mm qalalyq jerasty sý qubyry jarylyp, osyǵan baılanysty birqatar turǵyn úı sýyq sýdan ajyratyldy.

«Alataý dańǵyly men Sábdenova kóshesiniń qıylysyndaǵy sý jelileriniń aqaýly bóligin aýystyrý boıynsha jumystar júrgizilip jatyr. «Shuǵyl» yqshamaýdan turǵyndaryna sýdy saǵat 17:00-ge deıin beremiz»,- dep habarlady «Almaty Sý» kásipornynan.

Belgili bolǵanyndaı, 19-21 qańtar kúnderi atalǵan ýchaskede apatty joıý jumystary júrgizilgen.