Almatyda sý qubyry jelilerin jóndegen kompanııa lıtsenzııasynan aıyryldy

ALMATY. KAZINFORM — Almatyda taǵy bir merdigerdiń qurylys lıtsenzııasy toqtatyldy.

Almatynyń Qala qurylysyn baqylaý basqarmasy málimetinshe, «SK MEGARON» JShS B.Hmelnıtskıı kóshesinen bastap Tájibaev, Bakınskaıa, Fızýlı kósheleri arqyly Maılın kóshesine deıingi, sondaı-aq Myńbaev jáne Manas kóshelerindegi sý qubyry jelilerin qaıta jańǵyrtý jumystaryn oryndaǵan.

— «Alataý TN» JShS tehnıkalyq qadaǵalaýynyń ótinishi negizinde basqarma tarapynan merdigerge qatysty jospardan tys tekserý júrgizildi. Nátıjesinde qurylys salasyndaǵy memlekettik normatıvterdiń saqtalmaǵany anyqtaldy. Osyǵan baılanysty «SK MEGARON» JShS-niń qurylys lıtsenzııasy keri qaıtaryldy, - delingen Almaty ákimdigi taratqan habarlamada.

Buǵan deıin de Almatyda eki kompanııa – «SK 7 stroı» JShS jáne «AsiaMax» JShS qurylys lıtsenzııalarynan aıyrylǵan bolatyn.

Eske salaıyq, onyń aldynda tehnıkalyq qadaǵalaýdy tıisinshe oryndamaǵan «Alataý sapa qurylys» JShS akkredıtatsııasynan aıyrylǵan edi. Uıym qyzmetkerleriniń baqylaýdy durys júrgizbegeniniń kesirinen ıAssaýı men Dastan kósheleriniń qıylysynda asfalt opyrylǵan.

Sondaı-aq Amanjol kóshesindegi jol jabyndysynyń shógýine jol bergen «Arkada KZ» JShS ákimshilik jaýapkershilikke tartyldy.