Almatyda stýdentterge arnalǵan jańa daǵdarys ortalyǵy ashyldy
ALMATY. KAZINFORM – M.Tynyshpaev atyndaǵy ALT ýnıversıtetiniń №4 jataqhanasynda 55 oryndyq daǵdarys ortalyǵy ashyldy.
Almaty ákimdiginiń málimetinshe, munda stýdentterge psıhologııalyq jáne áleýmettik qoldaý kórsetilip, ýaqytsha baspana beriledi. Kásibı mamandar qupııa keńes ótkizip, qajet jaǵdaıda zańgerlik jáne medıtsınalyq kómekke joldama jasaıdy.
- Ortalyqta qaýipsizdik pen ózin-ózi qoldaý taqyrybynda trenıngter men aqparattyq is-sharalar turaqty túrde uıymdastyrylady. Sonymen qatar Almatydaǵy 35 joǵary oqý ornynda stýdentterdiń ótinishin qabyldap, máselelerin jedel sheshýge kómektesetin Ahýaldyq ortalyqtar jumys isteıdi, - dep habarlady ákimdikten.
22 tamyz kúni qaladaǵy stýdenttik jataqhanalarda jańa oqý jylyna daıyndyq boıynsha monıtorıng júrgiziledi.
Eske salaıyq, Ǵylym jáne joǵary bilim mınıstri Saıasat Nurbek Almaty qalasynan basqa óńirde jataqhana tapshylyǵy joq ekenin aıtty.
