Almatyda stýdent oqytýshyny pyshaqpen jaraqattady

ALMATY. KAZINFORM – Almatydaǵy ALT University stýdenti oqytýshyny pyshaqpen jaraqattady. Polıtsııa qylmystyq is qozǵady.

Áleýmettik jelide oqıǵa ornynda túsirilgen vıdeo tarady.

Onda janjal baǵaǵa qatysty shyqqany aıtylǵan. Alaıda ýnıversıtet ókilderi stýdenttiń basqa kafedrada oqıtynyn jáne zardap shekken oqytýshynyń oǵan sabaq bermegenin habarlaǵan.

Almaty polıtsııa departamenti Kazinform tilshisine bul aqparatty rastady.

Vedomstvonyń málimetinshe, Almaly aýdandyq polıtsııa basqarmasy bul derek boıynsha qylmystyq is qozǵady.

Kúdikti dereý ustalyp, ýaqytsha ustaý ızolıatoryna qamaldy. Oqıǵanyń mán-jaıy anyqtalyp jatyr.

Eske salaıyq, buǵan deıin Aqtóbede oqýshy anasyn óltirip, ájesin pyshaqtaǵanyn habarlaǵan edik.