Almatyda sport festıvaline baılanysty Tóle bı kóshesi jabylady
ALMATY. KAZINFORM — Almatyda GT SPORT FEST festıvaline baılanysty Tóle bı kóshesinde kólik qozǵalysy ýaqytsha shekteledi.
Almaty ákimdiginiń málimetinshe, qala kúnine oraı 6 qyrkúıekte GT SPORT FEST sport festıvali ótedi. Sondyqtan 6 qyrkúıek saǵat 00:00–den 23:00–ge deıin Tóle bı kóshesiniń Nazarbaev dańǵylynan Abylaı han kóshesine deıingi aralyǵynda kólik qozǵalysy tolyq toqtatylady. Bul shekteý festıvalge qatysýshylar men kórermenderdiń qaýipsizdigin qamtamasyz etý, sondaı-aq is-sharany uıymdastyrý jáne ótkizý maqsatynda engizilmek.
— GT SPORT FEST festıvaline shamamen 1000 áýesqoı jáne kásibı sportshy qatysady. Baǵdarlamada 3×3 strıtbol, kıbersport, breıkıng, BMX jáne avtoshoý bar. Júrgizýshilerden baǵytyn aldyn ala josparlap, kólik qozǵalysy syzbasyndaǵy ýaqytsha ózgeristi eskerýdi suraımyz, — dep habarlady ákimdikten.
Eske salaıyq, buǵan deıin Almaty kóshelerindegi jol jumystary qashan aıaqtalatynyn jazǵanbyz.
