Almatyda sóıleý qabileti buzylǵan balalarǵa arnalǵan qarjyny jymqyrǵandar sottaldy

ALMATY. KAZINFORM – Almatynyń Medeý aýdandyq №2 soty asa iri mólsherde aqsha jymqyrǵan úsh azamatqa úkim shyǵardy, dep habarlaıdy aýdandyq sottyń baspasóz qyzmeti.

Sot málimetine sáıkes, aıyptalýshylar qalalyq mekemelerdiń birinde ekonomıka jáne qarjy, esep bólimderinde basshylyq qyzmetterde bolǵan. Olar 2019-2022 jyldar aralyǵynda olımpıada rezervin qoldaýǵa baǵyttalǵan jáne sóıleý qabileti buzylǵan balalarǵa arnalǵan bıýdjet qarajatyn jymqyrǵan.

Qylmystyq shema boıynsha mekemede tirkelmegen adamdarǵa jalaqy tólengen. Jalǵan eseptelgen qarajat sottalýshylardyk bank kartalaryna aýdarylǵan. Sonymen qatar qyzmetkerler jalaqyny joǵarylatyp alǵan. Zańsyz áreketter nátıjesinde keltirilgen shyǵyn 150 mıllıon teńgege jetken.

Sot protsesi kezinde barlyq sottalýshylar óz kinásin moıyndamaı, atalǵan operatsııalar ózderiniń qyzmettik mindetteri aıasynda júrgizilgenin aıtty. Alaıda aıyptaý tarapy dálel retinde sottalýshylardyń zańsyz áreketterin rastaıtyn býhgalterlik jazbalardy, tólem qujattaryn jáne bank kóshirmelerin usyndy.

- Іs-áreketterdiń qasaqana jasalǵanyn, aldyn ala sóz baılasýyn jáne jınalǵan dálelderdi eskere otyryp, sot sottalýshylardy kináli dep tanyp. G.-ǵa 7 jylǵa, D.-ǵa – 6 jylǵa, A.-ǵa – 8 jylǵa bas bostandyǵynan aıyrý jazasy taǵaıyndaldy, múlkileri tárkilendi, - dep habarlady qalalyq sottan.

Úkim zańdy kúshine engen joq.

Eske salaıyq, buǵan deıin Sýrdlımpıada júldegerleri sotqa shaǵym túsirgenin jazǵanbyz.