Almatyda sottyń sheshimimen zańsyz kommertsııalyq nysan buzyldy
ALMATY. KAZINFORM – Almatyda sottyń sheshimimen Shuǵyla shaǵyn aýdanyndaǵy Jýaly kóshesi, 88 ýchaskedegi zańsyz salynǵan ashana men dúken buzyldy.
Qala qurylysyn baqylaý basqarmasynyń málimetinshe, jospardan tys tekserý nátıjesinde menshik ıesiniń ruqsat qujattary bolmasa da ǵımarat salǵan.
«2023 jyly 28 naýryzda basqarma menshik ıesine qatysty ÁQBtK-niń 316-baby 1, 321-bóligi boıynsha sharalar qabyldady jáne buzýshylyqtardy joıýǵa nusqama berdi. Menshik ıesi nusqamany oryndamaǵandyqtan, Basqarma Almaty qalasynyń Naýryzbaı aýdandyq sotyna atalǵan nysandy buzý boıynsha talap-aryz berdi. Sol jyldyń qarashasynda Almaty qalasy Naýryzbaı aýdandyq sotynyń sheshimimen talap-aryz qanaǵattandyryldy. Sondaı-aq osy jyldyń 7 aqpanynda Almaty qalalyq soty sheshimdi ózgerissiz qaldyrdy», - dep habarlady basqarmadan.
Menshik ıesi Almaty qalasy Ádilet departamentiniń sot oryndaýshylarymen birge nysandy erikti túrde buzdy. Byltyrdan beri 32 zańsyz nysan tolyq jáne jartylaı buzyldy.
