Almatyda sot sheshimimen taǵy bir dámhana buzyldy
ALMATY. KAZINFORM – Almatydaǵy Jandosov kóshesi, 78A mekenjaıynda ornalasqan jazǵy terrasasy bar kýlınarııa nysany sot sheshimimen zańsyz dep tanyldy.
Bul týraly Almatynyń qurylys baqylaý basqarmasy habarlady.
Vedomstvonyń málimetinshe, buǵan deıin júrgizilgen jospardan tys tekserý nátıjesinde «Biens Immobiliers» JShS nysandy ruqsat berý qujattarynsyz salǵany anyqtaldy.
Menshik ıesine qatysty ákimshilik sharalar qabyldanyp, anyqtalǵan zańbuzýshylyqtardy joıý týraly nusqama berilgen.
– 2025 jylǵy 25 aqpanda nusqama talaptarynyń oryndalmaýyna baılanysty nysandy buzý týraly talap-aryz Almatynyń mamandandyrylǵan aýdanaralyq ekonomıkalyq sotyna joldandy. 2025 jylǵy 29 mamyrda sot basqarmanyń talap-aryzyn tolyq kólemde qanaǵattandyrdy, - delingen habarlamada.
Nysan keshe, 2025 jylǵy 16 aqpanda sot oryndaýshylarynyń qatysýymen májbúrli túrde buzyldy.
Eske salaıyq, buǵan deıin Almatyda taǵy bir zańsyz salynǵan nysan buzylǵanyn jazǵan edik.