18:00, 12 Aqpan 2025 | GMT +5
Almatyda sot sheshimimen saýda orny buzylyp jatyr
ALMATY. KAZINFORM — Almatyda sot sheshimimen iri qurylys nysanyn buzý jumystary bastaldy.
Óńirdegi qala qurylysyn baqylaý basqarmasy málim etkendeı, Qaldaıaqov kóshesi 19 mekenjaıynda ornalasqan ǵımarat tolyq súriledi.
Menshik ıesi saýda pavılonyn qosymsha ruqsat qujattarynsyz turǵyzǵan jáne onyń paıdalanýǵa berý aktisi bolmaǵan.
Basqarma QR ÁQBtK-niń 323-baby boıynsha sharalar qabyldady jáne oryn alǵan buzýshylyqtardy joıý týraly nusqama berdi. Alaıda, talaptar oryndalmady.
— Basqarma osy nysandy buzý týraly Almaty qalasynyń mamandandyrylǵan aýdanaralyq ekonomıkalyq sotyna aryz túsirdi. Sottyń 2025 jyldyń 28 qańtardaǵy sheshimimen talap qanaǵattandyryldy, — dep habarlady basqarmadan.
Eske salaıyq, Almatydy eki jylda 65 nysan súrilgen.