Almatyda sot sheshimen zańsyz salynǵan 70 nysan buzylady
ALMATY. KAZINFORM — Almatyda zańsyz qurylysqa tosqaýyl qoıý jumystary júrip jatyr.
Qala qurylysyn baqylaý basqarmasynyń málimetinshe, 2026 jyly zań talaptaryn buza otyryp salynǵan 41 nysan tolyq nemese ishinara súrilgen. Qazirgi ýaqytta qalalyq Ádilet departamentinde zańdy kúshine engen 74 sot sheshimi oryndalý satysynda tur. Olar zańsyz salynǵan nysandardy tolyq nemese jartylaı súrip tastaýdy kózdeıdi.
Jyl basynan beri basqarma 1072 jospardan tys tekserý júrgizgen. Onyń qorytyndysy boıynsha jalpy somasy 383,9 mln teńgege aıyppul salynyp, anyqtalǵan zańbuzýshylyqtardy joıý týraly 432 nusqama berildi.
Sondaı-aq qurylys-montaj jumystaryn sapasyz oryndaǵany úshin 43 uıym jaýapkershilikke tartyldy. Al tehnıkalyq qadaǵalaýdy tıisti deńgeıde júrgizbegeni úshin 40 uıym men tehnıkalyq qadaǵalaý mamanyna qatysty shara qoldanyldy. Budan bólek 148 jobalaý uıymy ákimshilik jaýapkershilikke tartylyp, olarǵa jalpy somasy 32,4 mln teńge kóleminde aıyppul salynǵan.
Eske salaıyq, buǵan deıin Almatynyń Begalın kóshesi, 140 mekenjaıyndaǵy turǵyn úıge zańsyz salynǵan eki qabatty qosymsha nysan buzyldy.
