Almatyda sot oryndaýshysynyń áreketinen 35,6 mln teńge shyǵyn kelgen
ASTANA. KAZINFORM — Almaty qalasynda jeke sot oryndaýshysy múlikke salynǵan tyıymdy zańsyz alyp tastaǵany úshin sottaldy, dep habarlaıdy Almaty qalasy Naýryzbaı aýdandyq prokýratýrasynyń baspasóz qyzmeti.
Anyqtalǵandaı, sot oryndaýshysy boryshkerdiń bank shotyna buryn salynǵan tyıymdy zańsyz alyp tastaǵan, bul shotta bereshekti óteýge jetkilikti qarajat bolǵan.
Osynyń saldarynan óndirip alýshyǵa 35,6 mln teńge kóleminde materıaldyq zalal keltirildi.
— Naýryzbaı aýdandyq sotynyń úkimimen jeke sot oryndaýshysy QR Qylmystyq kodeksiniń 251-baby (jeke sot oryndaýshysynyń ókilettigin teris paıdalaný) boıynsha kináli dep tanylyp, oǵan 2000 AEK mólsherinde aıyppul salyndy, sondaı-aq sot oryndaýshysy qyzmetimen aınalysý quqyǵynan aıyryldy. Úkim zańdy kúshine engen joq, — delingen habarlamada.
Osyǵan deıin sot oryndaýshy robottardyń arqasynda Jambyl oblysynyń turǵyndary 140 mln teńgesin únemdedi.
