Almatyda soǵys ardagerlerine beriletin birjolǵy tólem 5 mln teńgege deıin jetýi múmkin

ALMATY. KAZINFORM – Almatyda soǵys ardagerlerine arnalǵan birjolǵy tólemder 5 mln teńgege deıin kóbeıýi múmkin. Bul týraly Almaty ákimi Erbolat Dosaev qalalyq ardagerler keńesiniń ókilderimen kezdesý barysynda málimdedi. 

Qala basshysy Jeńistiń 80 jyldyǵyna oraı soǵys ardagerlerine birjolǵy tólemdi 2 mln teńgeden 5 mln teńgege deıin, al tyl eńbekkerlerine 50 myń teńgeden 100 myń teńgege deıin arttyrý josparlanyp otyrǵanyn aıtty. 

«Ekinshi dúnıejúzilik soǵys ardagerlerine birjolǵy tólemderdi 5 mln teńgege deıin arttyrýǵa múmkindigimiz bar, tyl eńbekkerlerine tólemdi 100 myń teńgege deıin jetkizemiz, ıaǵnı eki esege arttyramyz. Sizdiń ótinishińiz negizinde kelesi jylǵa arnalǵan bıýdjetti qalyptastyrý kezinde máslıhatqa osyndaı usynys engizemiz», - dedi Erbolat Dosaev.

Aıta keteıik, qazir Almatyda 31 soǵysqa qatysýshy men 8 múgedek ardager turady.

Eske salaıyq, bıyl almatylyq ardagerlerge 2 mln teńgeden tólendi.