Almatyda soǵys ardagerleri men tyl eńbekkerlerine beriletin birjolǵy járdemaqy ulǵaıdy

ALMATY. KAZINFORM – Almaty qalalyq máslıhatynyń VIII shaqyrylymynyń kezekten tys XXIX sessııasynda depýtattar qala ákimi Erbolat Dosaevtyń Ekinshi dúnıejúzilik soǵysynyń 80 jyldyǵyna oraı ardagerlerge beriletin birjolǵy tólem mólsherin 5 mln teńgege deıin ulǵaıtý týraly bastamasyn qoldady.

— Jeńistiń 80 jyldyǵyna oraı soǵys ardagerlerine birjolǵy tólem 2 mln teńgeden 5 mln teńgege deıin, al tyl eńbekkerlerine 50 myń teńgeden 100 myń teńgege deıin artty. — 21 soǵys ardagerine — 1 mln-nan 5 mln-ǵa teńgege deıin, 6 149 tyl eńbekkerine — 50 myńnan 100 myń teńgege deıin beriledi, — dep túsindirdi Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.

Sheshimdi barlyq depýtattar biraýyzdan qoldady.

Tólemdi qalanyń aýdan ákimdikteri «Azamattarǵa arnalǵan úkimet» memlekettik korporatsııasy» KEAQ-nyń Almaty qalasy boıynsha ekinshi deńgeıdegi bankterdegi shottaryna bergen tizimderine sáıkes ótinishti talap etpeı aýdarady.

Aıta keteıik, qazir Almatyda 21 soǵys ardageri men 6149 tyl eńbekkeri turady.

Eske salaıyq, bıyl almatylyq ardagerlerge 2 mln teńgeden tólendi.

Osyǵan deıin, Almatyda soǵys ardagerlerine beriletin birjolǵy tólem 5 mln teńgege deıin jetýi múmkin ekeni týraly jazǵanbyz.