Almatyda soǵylǵan 40-tan astam polıtsııa kóligi aýktsıonǵa qoıyldy
ALMATY. KAZINFORM — Almatyda qalalyq polıtsııa departamentiniń menshiginde bolǵan 40-tan astam avtokólik saýdaǵa shyǵaryldy.
Elektrondyq saýda-sattyq portalynda kórsetilgen málimetterge sáıkes, satýshy tarap — memlekettik aktıvter basqarmasy, al balans ustaýshy — qalalyq polıtsııa departamenti. Aýktsıonǵa qoıylǵan kólikteriniń arasynda Peugeot, Kia, Hyundai, Mitsubishi, Lada jáne SsangYong markalary bar.
Tizimde barlyǵy 41 avtokólik usynylǵan. Onyń ishinde eń kóp kezdesetini — Peugeot 301, barlyǵy 17 mashına saýdaǵa shyǵarylǵan. Lottar arasynda — 13 Kia Cerato, 4 Mitsubishi Lancer, 3 Lada-21214, 2 Hyundai Elantra jáne 2 SsangYong Actyon Sports bar.
Satý týraly habarlandyrýlarda jarııalanǵan fotosýretterge qaraǵanda avtokólikterdiń edáýir bóligi apattyq nemese buzylǵan kúıde.
Olardyń jaǵdaıyna qarap kólikterdiń bir bóligi buryn jol-kólik oqıǵasyna ushyrǵanyn boljaýǵa bolady.
Saýdaǵa qoıylǵan Peugeot 301 kólikteriniń bastapqy quny 2,1-2,9 mln teńgege aralyǵynda belgilengen. 2017 jyly shyǵarylǵan Lada-21214 kólikteri 2 mln teńge shamasynda saýdaǵa qoıylǵan.
Al Mitsubishi Lancer kólikteriniń baǵasy 2,65 mln teńgeden bastalyp, 4,1 mln teńgege deıin jetedi.
2017 jylǵy eki Hyundai Elantra shamamen 5,8–5,95 mln teńgege satylymǵa qoıylǵan.
Atalǵan lottardyń ishindegi eń joǵary baǵa — Kia Cerato avtokóligine tıesili. Olardyń aýktsıony 6,8 mln men 8,1 mln teńge aralyǵynda bastalady.
Satylymǵa shyǵarylǵan avtokólikterdiń bir bóligi boıynsha saýda 2026 jyldyń 12 tamyzynda bastalýy tıis.
Eske salaıyq, buǵan deıin Almatyda 1,2 mlrd teńgege baǵalanǵan kıik múıizi satylymǵa shyǵaryldy.
