Almatyda sıntetıkalyq esirtki jasaıtyn eki iri tseh joıyldy - UQK
Almaty qalasy boıynsha UQK departamenti jasyryn jolmen sıntetıkalyq esirtki jasaıtyn eki iri tsehty joıý boıynsha operatsııalar ótkizdi, dep habarlaıdy QazAqparat Komıtettiń baspasóz qyzmetine silteme jasap.
Psıhotropty zattardy daıyndady jáne satty degen kúdikpen úsh adam ustaldy. Tintý kezinde olardan 21 kg «mefedron» jáne «alfa-RVR», prekýrsorlardyń iri partııasy men zerthanalyq jabdyqtar anyqtaldy. Tárkilengen esirtkilik zattardyń quny «qara naryqta» 420 mln teńgege baǵalanady, al kólemi 85 000 ret qabyldanatyn mólsherge teń.
Materıaldar Qylmystyq kodekstiń 297-baby 3-bóligi boıynsha Sotqa deıingi tergep-tekserýdiń biryńǵaı tizilimine tirkeldi.
Sottyń sanktsııasymen kúdiktilerdi qamaýda ustaý túrindegi bultartpaý sharasy qoldanyldy.
Aıta ketsek, bıylǵy 9 aıda UQK 30 halyqaralyq jáne aýmaqtyq esirtki arnalarynyń, sondaı-aq 29 esirtki jasaıtyn zerthanalar is-áreketiniń jolyn kesti. Jalpy alǵanda, zańsyz aınalymnan shamamen 1 tonnaǵa jýyq sıntetıkalyq esirtki jáne 76 tonnadan astam prekýrsorlar tárkilendi.
