Almatyda sıntetıka óndirýmen aınalysqan esirtki zerthanasy anyqtaldy

ALMATY. KAZINFORM - ІІM esirtki qylmysyna qarsy is-qımyl jónindegi qyzmetkerleri Almaty qalasynyń Jetisý aýdanynda jalǵa alynǵan jeke úılerdiń birinde esirtki zerthanasyn joıdy, – dep jazdy Polisia.kz.

«Jedel izdestirý is-sharalaryn júrgizý barysynda jalpy salmaǵy bir jarym keliden asatyn «alfa-pvp» sıntetıkalyq psıhotroptyq zaty tabylyp, tárkilendi. Kúdikti ustaldy. Odan salmaǵy 100 gramnan asatyn «sıntetıka» tárkilendi. Er adam esirtkini baılanyssyz tásilmen ótkizbek bolǵan. Ol ýaqytsha ustaý ızolıatoryna qamaldy», – dedi ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.

Polıtsııa jyl basynan beri 52 esirtki zerthanasyn joıdy. Zańsyz aınalymnan jarty tonna «sıntetıka» tárkilendi, bul ótken jylmen salystyrǵanda eki ese kóp.

«Esterińizge sala keteıik, 2021 jyldyń qazan aıynan bastap «sıntetıka» esirtkiniń aýyr túrine teńestirildi. Olardy saqtaý úshin qylmystyq jaýapkershilik bir gramnan bastalady. Atalmysh fakt boıynsha kúdikti múlki tárkilenip, 10 jyldan 15 jylǵa deıin bas bostandyǵynan aıyrylýy múmkin», – dedi spıker.

 

Esirtki zerthanasyn uıymdastyrǵan qylmystyq top uıymdastyrýshylary 23 jylǵa sottalǵanyn jazǵan bolatynbyz.