Almatyda Shymbulaq taý-kýrortynyń arqan joldary mamyr aıyna deıin jabyldy
ALMATY. KAZINFORM – Shymbulaq taý-kýrortynda jazǵy maýsymǵa daıyndyq aıasynda arqan joldarynda josparly profılaktıkalyq jumystar bastaldy.
Kýrort málimetinshe, kelesi kúnderi profılaktıka júrgiziledi:
* K-2 arqan joly. 9 sáýir — 30 sáýir;
* M-1, K-1 arqan joldary. 13 sáýir — 30 sáýir;
* KKD-4 arqan joly. 16 sáýir — 30 sáýir.
- 13 sáýirden bastap kýrortqa tek eko-avtobýstar nemese taksımen ǵana barýǵa bolady. Túsinistik tanytqandaryńyz úshin alǵys bildiremiz, - dep habarlady kýrort baspasóz qyzmeti.
Sondaı-aq 10 sáýirden 30 maýsymǵa deıin Shymbulaqqa baratyn jol saǵat 9:00-den 13:00-ge deıin jáne saǵat 14:00-den 18:00-ge deıin jabyq. Taý eteginde jartas jarý jumystary júrgizilip jatyr.
Eske salaıyq, Shymbulaqta qysqy maýsym byltyr jeltoqsan aıynda ashylǵan bolatyn.
