Almatyda sheteldik azamattyń ólimi tekserilip jatyr
ALMATY. KAZINFORM - Almatyda páterlerdiń birinde sheteldik azamattyń máıiti tabyldy. Bul týraly aqparat áleýmettik jelide tarady.
Jelidegi aqparat boıynsha, Áýezov aýdanyndaǵy páterde 50 jastaǵy Reseı azamatynyń bólshektelgen denesi tabylǵan. Bul aqparatty Almaty qalasynyń Polıtsııa departamenti rastady.
- Bul derek boıynsha Áýezov aýdandyq polıtsııa basqarmasy qylmystyq is qozǵady.
Kúdikti ustalyp, ýaqytsha ustaý ızolıatoryna qamaldy. Basqa mán-jaılar anyqtalyp jatyr, - dep habarlady qalalyq PD baspasóz qyzmeti.
Eske salaıyq, buǵan deıin Almaty oblysynda bala ólimine baılanysty qylmystyq is tekserilip jatqanyn jazǵan edik.
Kúdiktilerdiń biri - balanyń anasy bolýy múmkin.
