Almatyda shet aýdandardy jalǵaıtyn taǵy 3 jańa baǵyt ashyldy

ALMATY. KAZINFORM - Almatyda búgin qala mańynan jańa 3 baǵyt boıynsha qoǵamdyq kólik júre bastady. Aldaǵy ýaqytta taǵy bir baǵyttyń iske qosylýy josparlanyp otyr.

Atap aıtqanda, 28 qazannan bastap №237, №257 jáne №258 marshrýty iske qosyldy. Al 1 qarashadan bastap №239 marshrýt júredi dep josparlanyp otyr.

№237 «Barlyq bazary – Qaratóbe aýyly» baǵytyndaǵy marshrýtta úlken syıymdylyqtaǵy 5 avtobýs qyzmet kórsetedi. Marshrýttyń jumys bastalý ýaqyty – 5:30, aıaqtalý ýaqyty – 23:05. Tasymaldaýshy – «Qaskeleń avtobýs parki» JShS.

№257 «№7 qalalyq aýrýhana – Eńbekshi aýyly» baǵytyndaǵy marshrýtta da úlken syıymdylyqtaǵy 5 avtobýs qyzmet kórsetedi. Marshrýttyń jumys bastalý ýaqyty – 5:30, aıaqtalý ýaqyty – 23:01. Tasymaldaýshy – «Qaskeleń avtobýs parki» JShS.

№258 «Jetisý bazary – Óstemir aýyly» baǵytyndaǵy marshrýtta 2 avtobýs qyzmet kórsetedi. Marshrýttyń jumys bastalý ýaqyty – 5:40, aıaqtalý ýaqyty – 22:01. Tasymaldaýshy – «Samat-Trans» JShS.

№239 «B. Momyshuly metro beketi – Dolan aýyly» baǵytyndaǵy marshrýtta 18 avtobýs qyzmet kórsetedi. Marshrýttyń jumys bastalý ýaqyty – 5:30, aıaqtalý ýaqyty – 23:01. Tasymaldaýshy – «Neo City Trans» JShS.

- Avtomobıl kóligimen jolaýshylar men bagajdy tasymaldaý erejesine sáıkes, bul marshrýttar konkýrstar ótkizilgenge deıin tasymaldaýshylarǵa berildi jáne testilik rejımde jumys isteıtin bolady. Sonyń nátıjesinde jolaýshylar legi men halyqtyń qajettiligi eskerilip, qozǵalys shemalaryna ózgerister engiziledi, - dep habarlady ákimdikten.

Aıta ketken jón, byltyr Almatyda 22 jańa marshrýt, onyń ishinde 10 qala mańyndaǵy baǵyt uıymdastyryldy jáne 50-ge jýyq eldi mekendi qamtyldy.

Eske salaıyq, buǵan deıin Almatyda qala mańyna qatynaıtyn taǵy bir jańa avtobýs baǵyty ashylǵanyn jazǵan bolatynbyz.