Almatyda ishek ınfektsııasyna shaldyqqandar sany artty – epıdemıolog
ALMATY. KAZINFORM – Almatyda jyl basynan beri jedel ishek ınfektsııasynyń 108 jaǵdaıy tirkeldi, onyń ishinde 14 jasqa deıingi 73 baladan anyqtaldy.
Qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova, 100 myń halyqqa shaqqandaǵy aýrýshańdyq 2023 jyldyń osy kezeńimen salystyrǵanda15,4 paıyzǵa artty.
«Jedel ishek ınfektsııasymen aýyrǵandardyń arasynda eki jasqa deıingi balalar jıi aýyrady, olardyń úlesi 69,5 paıyz. Negizgi sebepter - balalardyń kútimi kezinde analardyń jeke gıgıenany saqtamaýy, daıyndaý tehnologııasy men saqtaý qaǵıdalaryn buza otyryp, úıde daıyndalǵan ónimderdi, sondaı-aq jýylmaǵan kókónister men jemisterdi paıdalaný», - dedi ol.
Sondaı-aq, ol 85 adam tamaq arqyly, taǵy 23 adam turmystyq jaǵdaı arqyly juqtyrǵanyn atap ótti.
Epıdemıolog jiti ishek ınfektsııasynyń belgileri paıda bolǵan jaǵdaıda ózin-ózi emdeýge bolmaıtynyn, ýaqtyly medıtsınalyq kómekke júginý kerektigin eske salady.
