Almatyda shatqalda adasqan oqýshylardy tikushaqpen izdeýge týra keldi
ASTANA. KAZINFORM — Almaty oblysynda qutqarýshylar shatqalda adasyp ketken toǵyz adamdy tapty, dep habarlaıdy TJM baspasóz qyzmeti.
Qarasaı aýdanynda Izvestkovoe shatqalynda adasyp ketken toǵyz adamnan — eki muǵalim men jeti oqýshydan turatyn topty izdeý jumystary júrgizildi.
Oqıǵa ornynda TJD jedel shtaby uıymdastyryldy. Іzdeý-qutqarý jumystaryna Almaty oblysy TJD, TJM Respýblıkalyq «Barys» qutqarý qyzmetiniń qutqarýshylary, polıtsııa jáne jedel medıtsınalyq járdem qyzmetkerleri, sondaı-aq eriktiler qatysty.
— Jergilikti jerdi barlaý úshin jylý túsirgishi bar ushqyshsyz ushý apparaty jáne tikushaq qoldanyldy. Tańerteń top tikushaqtan áýeden baıqaldy. Qutqarýshylar olarǵa jetip, qaýipsiz jerge — avtoturaqqa deıin alyp shyqty. Oqýshylar ata-analaryna tapsyryldy. Medıtsınalyq kómek qajet bolǵan joq, — delingen habarlamada.
Buǵan deıin Almaty oblysynyń taýlarynda qutqarýshylar úsh týrıstke kómek kórsetkenin jazǵanbyz.
