Almatyda seısmıkalyq qaýipsizdik úshin Japonııa tájirıbesi qoldanylady
ALMATY. KAZINFORM - Almaty qalasy máslıhatynyń depýtattary jańadan qurylǵan Seısmıkalyq qaýipsizdik jáne jumyldyrý daıyndyǵy basqarma basshysynyń m.a. Batyrhan Súleımenovty qabyldap, seısmıkalyq qaýipsizdikti arttyrý jónindegi jańa sharalardy talqylady.
Basqarma basshysy Japonııanyń apattardyń aldyn alý jáne táýekelderdi basqarý salasyndaǵy ozyq tájirıbesine negizdelgen birqatar bastamalardy usyndy. Olar:
- Jalpy qalalyq seısmıkalyq jattyǵýlardy 2024 jyly 3 esege deıin jáne 2025 jyly 4 esege deıin ulǵaıtý;
- 800 myńnan astam adamdy ınteraktıvti sabaqtar men jattyǵýlarmen daıyndaý;
- 2025 jyldyń tamyzyna qaraı Alataý aýdanynda sımýlıatsııalyq oqý-ádistemelik ortalyǵyn salý;
- Uıaly telefon abonentterine jedel habarlaý úshin Cell Broadcast tehnologııasyn qoldana otyryp, «Mass Alert» júıesin iske qosý. Tolyq iske qosý – 2024 jyldyń maýsymy;
- Seısmıkalyq qaýipti baǵalaý jáne baqylaý úshin 1986 jyly salynǵan seısmologııa ǵylymı ortalyǵyn jóndeý jáne jabdyqtaý.
Aıta keteıik, buǵan deıin Almatynyń jer astynda qala salýdy usynǵan seısmologpen suhbat jarııalanǵan bolatynbyz.
