Almatyda Seıfýllın men Bógenbaı batyr kósheleriniń qıylysy birneshe kúnge jabylady

Almaly aýdany ákimdiginiń málimetinshe, qurylys-montaj jumystarynyń júrgizilýine baılanysty Seıfýllın dańǵylynyń Bógenbaı batyr kóshesimen qıylysatyn ýchaskesi ýaqytsha jabylady. Atalǵan aýmaqta 2026 jylǵy 14 tamyz saǵat 20:00–den 17 tamyz saǵat 06:00–ge deıin qozǵalys shekteledi.

— Turǵyndar men jol qozǵalysyna qatysýshylardan marshrýttaryn aldyn ala josparlap, jol qozǵalysyndaǵy ýaqytsha ózgeristerdi eskerýdi suraımyz, — dep habarlady aýdan ákimdigi.

Eske salaıyq, Almatynyń ál-Farabı dańǵylynda velojarysqa baılanysty qozǵalys shekteledi.

Atap aıtqanda, 16 tamyz saǵat 05:30–dan 06:40–qa deıin ál-Farabı dańǵylynyń Dostyq dańǵylynan Talǵar tas jolyna deıingi bóliginde, sondaı-aq saǵat 05:30–dan 10:30–ǵa deıin Dostyq dańǵylynan Naýaı kóshesine deıingi bólikte kólik qozǵalysy ýaqytsha shekteledi.