Almatyda «Sergek» kameralary endi avtoturaq erejelerin buzǵan kólikterdi anyqtaı alady

ALMATY. KAZINFORM – Almatyda pılottyq rejımde «Sergek» beınebaqylaý kameralarynyń jańa fýnktsııasy iske qosyldy. Bul týraly qalalyq Polıtsııa departamenti habarlady.

Dostyq dańǵylynan Ýálıhanov kóshesine deıin Sátbaev kóshesiniń ońtústik jáne soltústik jaǵyn baqylaıtyn kameralar turaqqa qoıý erejelerin buzǵan kólikterdi, onyń ishinde ekinshi qatarmen qoıylǵan kólikterdi anyqtaıtyn bolady.

- QR Jol qozǵalysynyń erejeleriniń 87, 88 pýnktterinde kólik quralynyń basqa kólik quraldarynyń júrisine múmkindik bermeıtin (kirý nemese shyǵý) nemese basqa kólik quraldarynyń qozǵalysyna kedergiler týǵyzatyn (keptelis) oryndarda toqtaýǵa tyıym salynady. Bul qaǵıdalardy buzǵandarǵa 10 AEK (39 myń 320 teńge) aıyppul salynady, - dep habarlady Polıtsııa departamentinen.

Eske salaıyq, buǵan deıin «Sergek» elordadan ketip jatqanyn jazǵanbyz.