Almatyda Saıran mańynda tarsyl estilip, artynsha jaryq óshti

ALMATY. KAZINFORM — Almatynyń Áýezov aýdanynda Saıran kóli mańynda jarylysqa uqsas qatty dybys estilip, odan keıin jaryq óshken.

Qalalyq tótenshe jaǵdaılar departamenti oqıǵaǵa transformatordyń órtenýi sebep bolǵanyn habarlady.

Vedomstvonyń málimetinshe, 08:53-te Ótegen batyr kóshesi, 76-úıdiń mańynda transformator janyp jatqany týraly habarlama túsken.

Órt sóndirý bólimderi dereý jetip, transformator podstantsııasynda 0,2 sharshy metr aýmaq órtenip jatqanyn anyqtady. Elektr jelisi qyzmetkerleri nysandy toqtan ajyratqan.

Oqıǵa ornyna toǵyz qutqarýshy jetken. Olar qaýipsizdik tehnıkasyn saqtaı otyryp, jalyndy sóndirip jatyr. Tótenshe jaǵdaılar departamentiniń málimetinshe, qazirgi ýaqytta ashyq jalyn joq.

Eske salaıyq, buǵan deıin Almatynyń Alataý aýdanyndaǵy úılerdiń bárine bir táýlikten asa ýaqyt ótken soń jaryq qaıta berilgenin jazǵan edik.

Turǵyndardyń munsha ýaqyt jaryqsyz otyrýyna ákimdikke tıesili 110 kV kabel jelisiniń zaqymdanýy sebep boldy.