Almatyda Saıran kóline sý berý toqtalyp jatyr
ALMATY. KAZINFORM – Almatyda Saıran kóliniń sý deńgeıi tómendeı bastady.
Almaty qalasynyń Ekologııa jáne qorshaǵan orta basqarmasy qysqa daıyndyq aıasynda sý qoımasy birtindep bosatylyp jatqanyn habarlady.
- Bul gıdrotehnıkalyq qurylystardyń qaýipsiz jumysyn qamtamasyz etý úshin qajet. Aldaǵy 2–3 kúnde sý qoımasy tolyq bosaıdy dep kútiledi, - dep habarlady vedomstvo ókilderi.
Saıranda qysqy mezgilde sý bolmaıdy. Ádette munda kún jylynǵan soń, kóktemniń aıaǵyna qaraı qaıta sý beriledi.
Sondaı-aq Saıran kólinde buǵan deıin eki jaǵalaýdy biriktirip turǵan qalqymaly kópir qysqy kezeńge daıyndyq aıasynda alyp tastalǵan bolatyn. Ol kelesi jyly kóktemde qaıta qurylady.
Eske salaıyq, Saıran kóliniń jaǵalaýy ótken jyly qaıta jańǵyrtý jumystarynan keıin qoldanysqa berilgen bolatyn. Jańarǵan keńistik qala turǵyndary men qonaqtarynyń súıikti oryndarynyń birine aınaldy.
