Almatyda saılaý kúni 170 ınvataksı jumys isteıdi
ALMATY. KAZINFORM — Almatyda 23 tamyz kúni Quryltaı saılaýyna baılanysty júrip-turýy qıyn azamattarǵa «Invataksı» qyzmetin usynylady.
Qala ákimdiginiń málimetinshe, ony arbamen júretin, tirek-qımyl apparaty buzylǵan, sondaı-aq kórý qabileti buzylǵan azamattar paıdalana alady. Saılaý kúni qyzmet kórsetýge 170 «Invataksı» kóligi jumyldyrylady. Onyń 36-sy arnaıy jabdyqtalǵan kólik bolsa, 134-i jeńil avtokólik. «Invataksı» qyzmetine aldyn ala tapsyrys berý úshin dıspetcherlik qyzmetterge habarlasý qajet.
Arbamen júretin jáne tirek-qımyl apparaty buzylǵan múgedektigi bar adamdar úshin:
- +7 (747-19) 5-35-75;
- +7 707 710 60 50 (WhatsApp);
- +7 747 402 64 15 (WhatsApp).
Kórý qabileti buzylǵan azamattar úshin:
- +7 (727-33) 8-32-78;
- +7 (700-52) 1-26-33;
- +7 777 611 13 57 (WhatsApp).
Sonymen qatar 23 tamyzda 20 kezekshi avtokólik qyzmet kórsetedi. Olardy 8 700 151 07 01 jáne 338-30-09 telefon nómirleri arqyly shaqyrýǵa bolady.
Eske salaıyq, Quryltaı saılaýyna baılanysty Almatyda qoǵamdyq kólik tegin bolady.
