Almatyda saıabaqtaǵy attraktsıonnan qulaǵan áıelge qatysty prokýrorlar is qozǵady
ALMATY. KAZINFORM – Almatydaǵy Ortalyq mádenıet jáne demalys saıabaǵyndaǵy áıeldiń ólimine qatysty Almaty oblysynyń prokýratýrasy qylmystyq is qozǵady.
Buǵan deıin Almatyda aınalmaly sheńberden qulap mert bolǵan jas kelinshek, óz-ózine qol jumsamas buryn kishkentaı qyzyn óltirgeni týraly jazǵan edik. Osyǵan baılanysty Almaty oblysynyń prokýratýrasy túsinik berdi.
«Qyzdyń ólimine baılanysty QR Qylmystyq kodeksiniń 99-baby 3-bóligi boıynsha qylmystyq is qozǵaldy. Qazirgi ýaqytta derekti tergeýdiń tolyqtyǵy, jan-jaqtylyǵy jáne obektıvtiligin qamtamasyz etý úshin barlyq qajetti tergeý sharasy júrgizilip jatyr. Tergeý múddesine qatysty basqa málimetter QR Qylmystyq-protsestik kodeksiniń 201-babyna sáıkes jarııalanbaıdy», - dep habarlady Almaty oblysynyń prokýratýrasy.
Eske salaıyq, 24 maýsym kúni saıabaqta áıel sýıtsıd jasady.
