Almatyda saýsaǵynan aıyrylǵan azamat medıtsınalyq ortalyqty sotqa berip, jeńip shyqty

ALMATY. KAZINFORM – Almaty qalasy Almaly aýdanynyń №2 aýdandyq soty M.-niń Medıtsınalyq ortalyqqa materıaldyq jáne moraldyq zııandy óteý týraly talap aryzy boıynsha azamattyq isti qarady. 

Sot málimetinshe, M. dıabet asqynýlaryn emdeý úshin medıtsınalyq ortalyqqa júgingen jáne qyzmetterge 420 myń teńge aqy tólegen. Alaıda kórsetilgen medıtsınalyq kómek jaǵdaıyn jaqsartpaǵan. Kerisinshe aýrý asqynyp, M. basqa medıtsınalyq ortalyqqa júginýge májbúr bolǵan. 

– Onda dárigerler aldyńǵy sapasyz emdeýdiń saldaryn joıý kezinde oń aıaǵynyń saýsaǵyn ampýtatsııalaýǵa májbúr bolǵan. Bul oǵan fızıkalyq azap pen eleýli moraldyq zııan keltirdi. Osydan keıin M. tólengen qarajattyń bir bóligin qaıtarý jáne moraldyq zııandy óteý talabymen sotqa júgindi, - dep habarlady sottan. 

Sot anyqtalǵan mán-jaılardy eskere otyryp, M.-niń talap aryzyn qanaǵattandyryp, medıtsınalyq ortalyqtan 120 000 teńge materıaldyq jáne 500 000 teńge moraldyq zııandy óndirip alý týraly sheshim shyǵardy. 

Sot sheshimi zańdy kúshine endi. 

Eske salaıyq, Almaty sotynda Amantaı qajyǵa qatysty qylmystyq is toqtatyldy.