Almatyda sáýlelik terapııa ortalyǵy ashyldy
ALMATY. KAZINFORM — Qazaq onkologııa jáne radıologııa ǵylymı zertteý ınstıtýtynda zamanaýı sáýlelik terapııa ortalyǵynyń ashylýy onkologııalyq kómektiń sapasyn jáne patsıentter úshin dıagnostıka men emdeýdiń ozyq ádisteriniń qoljetimdiligin arttyrý jolynda qadam jasaýǵa múmkindik beredi.
Densaýlyq saqtaý mınıstrliginiń málimetinshe, ortalyq jańa sáýlelik apparattarmen - jańa nusqadaǵy jelilik údetkishterimen, sondaı-aq «Qazaqstan halqyna» QQ qarjylyq qoldaýymen satyp alynǵan kompıýterlik tomografpen jabdyqtalǵan.
Densaýlyq saqtaý mınıstri Aqmaral Álnazarova jańa jabdyqta dıagnostıkanyń dáldigi men jyldamdyǵynyń mańyzdylyǵyn, bul jalpy qaterli isikteri bar patsıentterdi emdeýdiń tıimdiligin arttyratynyn erekshe atap ótti.
Sáýlelik terapııany kórsetý úshin elimizde sáýlelik jabdyqtyń 32 qondyrǵysy bar, sondaı-aq 6 tomoterapııa apparaty jumys isteıdi.
Oralda onkologııalyq aýrýlardy erte anyqtaıtyn endoskopııalyq dıagnostıka ortalyǵy ashylǵanyn jazǵan bolatynbyz.
