Almatyda saýyqtyrý ortalyǵy retinde jumys istegen 16 bodı massaj salony jabyldy

ALMATY. KAZINFORM – Megapolıste ıntımdik qyzmet kórsetken 30-dan astam áıel ustaldy.

Qalalyq Polıtsııa departamentiniń málimetinshe, jyl basynan beri saýyqtyrý massajy qyzmetiniń atyn jamylyp jumys istegen 16 jezóksheler úıi anyqtalǵan.

- Jergilikti reıdter nátıjesinde ıntımdik qyzmet kórsetken 30-dan astam áıel ustalyp, polıtsııaǵa jetkizildi. Onyń úsheýi – sheteldik. Sot sheshimimen olar elimizdiń kóshi-qon zańnamasyn buzǵany úshin elden shyǵaryldy. Qalǵan áıelderge de ákimshilik shara qoldanyldy. Sonymen qatar jezóksheler úıi qyzmetin atqarǵan 16 ǵımarattyń ıeleri jaýapqa tartyldy, - dedi Almaly aýdandyq PB-ny qarasty polıtsııa bóliminiń bastyǵy Batýrjan Abdýmasarov.

Eske salaıyq, buǵan deıin bodı massajdy jeleý etip 2 mıllıard teńge tabys tapqan Astana turǵyny ustalǵanyn jazǵanbyz.