Almatyda saýda úıindegi órt kezinde eki bala men eresek adam qutqaryldy
ASTANA. KAZINFORM — Almatynyń Alataý aýdanynda ornalasqan saýda úıinde órt shyǵyp, úsh adam qutqaryldy. Olardyń ekeýi — bala, dep habarlaıdy qalalyq tótenshe jaǵdaılar departamenti.
1 tamyz kúni «112» pýltine Nurkent shaǵynaýdanyndaǵy saýda úıi ǵımaratynda qatty tútin taraǵany týraly habarlama túsken.
Oqıǵa ornyna jetken órt sóndirýshiler dereý barlaý jumystaryn júrgizip, ǵımaratta adamdardyń bar-joǵyn anyqtaýǵa kiristi. Tekserý barysynda órttiń nysannyń birinshi qabatynda shyqqany belgili boldy.
— Qutqarýshylar joǵarǵy qabattardan úsh adamdy evakýatsııalady. Onyń ishinde eki bala úsh ıindi saty arqyly syrtqa shyǵarylsa, bir eresek adam arnaıy qutqarý qalpaǵynyń kómegimen qutqarylǵan, — delingen habarlamada.
Órt jedel túrde oqshaýlanyp, tolyq sóndirildi. Qazirgi ýaqytta órttiń shyǵý sebebi anyqtalyp jatyr.
Eske salaıyq, buǵan deıin Qaraǵandyda eńbek demalysynda júrgen polıtsııa qyzmetkeri órtke oranǵan páterden bes balany qutqaryp, iri qaıǵyly oqıǵanyń aldyn alǵanyn jazǵanbyz.
