Almatyda Sátbaev kóshesi Shyǵys aınalma jolyna deıin uzartylady
ALMATY. KAZINFORM – Qazir shyǵys baǵytta Lýganskıı kóshesimen aıaqtalatyn Sátbaev kóshesi Shyǵys aınalma avtomobıl jolyna (ShAAJ) deıin uzartylmaq.
Memlekettik satyp alý saıtynda Sátbaev kóshesin Lýganskıı kóshesinen Shyǵys aınalma avtomobıl jolyna deıin uzartýǵa jobalaý-smetalyq qujattamasyn ázirleý boıynsha habarlandyrý jarııalandy.
Lotqa 6 naýryzdan bastap ótinimder qabyldana bastady jáne ol 13 naýryzǵa deıin jalǵasady. Habarlandyrýda jobalaý-smetalyq qujattama 2027 jyldyń 30 maýsymyna deıin ázirlenýi tıis ekeni kórsetilgen. Ony daıyndaýǵa 359 mln teńge jumsalady.
Qujattyń tehnıkalyq erekshelikterge sáıkes, lot jeńimpazy jobada kelesi máselelerdi qarastyrýy qajet:
- Jobanyń pasporty, jol qurylysyna qajetti negizgi materıaldar men konstrýktsııalardyń (kólemi, materıaldardyń baǵasy) quramyn;
- Daıyndyq jumystary, jol qozǵalysyn uıymdastyrý jáne onyń qaýipsizdigi, qorshaǵan ortany qorǵaý, qurylysty uıymdastyrý jobasyn;
- Ózen sýlarynyń, sonymen qatar kóktem kezindegi erigen qardyń sýlarynyń tasqynynan qorǵaý boıynsha is-sharalardy;
- Sátbaev kóshesi men Shyǵys aınalma avtomobıl jolynyń qıylysynda kólik jolaıryǵynyń qurylysyn;
- jaıaý júrginshiler joldaryn;
- ınjenerlik jelilerdi qaıta qurýdy;
- qurylys kezindegi jol qozǵalys shemasyn barynsha qazirgi jol qozǵalysynyń aıasynda tıimdi paıdalanýdy;
- qurylys barysynda barynsha qazirgi otandyq zamanaýı qurylys materıaldaryn paıdalanýdy;
- jaıaý júrginshiler ótkelin qarastyrýy qajet.
Eske salaıyq, buǵan deıin Almatyda 2026 jyly qandaı kósheler uzartylatynyn jazǵanbyz.